Hordhac

Guushu ma aha wax nasiib ku yimaada ama dad gaar ah uun loo qoondeeyay. Waa natiijo ka dhalata caadooyin joogta ah oo qofku nolosholiisa ku dhaqmo maalin kasta. Dadka guusha gaara waxa ay wadaagaan astaamo iyo caadooyin isku mid ah. In kastoo ay ku kala duwan yihiin dhaqan, xirfad ama dal. Qof kasta oo raba in uu gaaro horumar wuu baran karaa caadooyinkan, wuuna ku dabaqi karaa noloshiisa.

Maqaalkan waxaan ku faahfaahin doonaa  7-da caado ee ugu muhiimsan oo ay Leeyihiim Dadka Guusha Gaara. Annagoo mid kasta si qoto dheer u sharxi doonna,

1️⃣ Dadka Guusha Gaara waxay Qiimeeyaam Waqtigooda

Dadka guuleysta waxay si qoto dheer u fahamsan yihiin muhiiimadda wakhtiga. Waxa ay og yihiin in waqtigu yahay kheyraad aan mar danbe la heli karin. Sidaa darteed waxa ay ka fogaadaan waxyaabaha waqtiga lumiya,  maadaama daqiiqad kasta oo lunto aan mar danbe dib loo soo celin karin.

Waxay adeegsadaan farsamooyin ay ka mid yihiin

• Qorshe maalinle ah (to do list).
• Kala hormarinta howlaha (priority)
• Ka fogaanshaha mashquulka aan muhiimka ahayn.

Qofka guulaysta ma sugo “waqti ku haboon” balse waxuu ka faa’iidaystaa waqtiga uu hayo, maareynta waqtiga waxay keentaa wax soo saar badan iyo nolol dheellitiran.

2️⃣ Dadka Guusha Gaara Waxay Leeyihiin Yoolal Cad

Guul ma gaari kartid adigoon ogeyn halka aad u socoto. Dadka guuleysta waxa ay dejiyaan goolal cad oo la cabbiri karo, kana shaqeeyaan si joogta ah. Yoolalkoodu ma aha riyooyin kaliya, balae waa qorshayaan leh waqti iyo talaabooyin la raaco.

Tusaale ahaan, halkii uu qofku oran lahaa “Sanadkan waxaan rabaa in aan waxbarto” wuxuu dhahaa “Waxaan rabaa in aan 6 bilood gudahood xirfad gaar ah barto”.

Waxay yoolalkoodu u kala jabiyaan

• Yoolal gaaban (maalinle iyo todobaadle).
• Yoolal dhexdhexaad ah (bilaha iyo sanadka).
• Yoolal fog (mustaqbalka fog 5t sano ama 10-ka ee soo soocota)

Sidoo kale akhri mawaadiicdan:

Muhiimada wakhtiga

Sida ugu fudud ee lagu gaaro xifdinta Qur’aanka

Maxaa jabiya salaadda

3️⃣ Waxay Leeyihiin Qorshe iyo Nidaam Maalinle ah

Mid ka mid ah caadooyin ugu muhiimsan ee guusha waa qorsheynta. Dadka guush gaara ma bilaawaan maalintooda iyagoo jahwareersan ama aan garaneyn waxa ay qabanayaan. Waxa ay leeyihiin qorshe maalinle ah oo qeexaya howlaha ugu muhiimsan ee u yaal kana caawiya in waqtigooda si xikmad leh u isticmaalaan.

Qorshuhu wuxuu qofka siinayaa jihada uu u socdo, waxuuna ka badbaadiyaa inuu waqtiga ku lumiya waxyaabo aan faaiido lahayn.

Ugu danbeyn qorsheynta joogtada ah waxay dhistaa caadooyin wanaagsan oo horseeda guul, howl yar oo si joogta ah loo qabta maalin kasta ayaa isu beddesha horumar weyn mustaqbalka.

4️⃣ Akhriska iyo Barashada Joogtada Ah

Dadka guuleysta waa dad jecel aqoonta, maalin kasta wax bay bartaan, xitaa haddii ay yar tahay. Akhrisku wuxuu ballaariyaa maslaxda, wuxuuna kordhiyaa fahamka nolosha iyo ganacsiga.

Waxay akhriyaan:

• Buugaag dhiirigelin iyo horumar nafeed
• Qoraallo cilmiyeed iyo maqaallo aqoon leh
• Taariikhda dadkii hore u guuleystay

Barashada joogatada ah waaxay qofka ka dhigtaa mid la jaanqaada isbeddelka dunida.

5️⃣ Adkeysi Iyo Samir Marka Ay La Kulmaan Caqabad

Guul walba waxaa ka horreeya caqabado iyo fashil. Dadka guulaysta ma quustaan marka ay la kulmaan dhibaatooyin. Halkii ay ka niyad-jabi lahaayeen fashilka waxay u arkaan cashar waxna way ka bartaan.

Adkeysigu wuxuu qofka baraa:

• Sida khaladaadka wax looga barto
• In guushu u baahan tahay waqti
• In dadaalku markasta miro dhalo

Qofka samirka leh ayaa ugu danbeyn gaara halka uu rabo. Diinta islaamkuna samirka si weyn ayay u amaantay, Alle (SWC)na wuxuu yiri: “Ilahay wuxuu la jiraa kuwa samra”.

6️⃣ Isku Kalsoonaan iyo Go’aan Qaadadho

Dadka guulaysta waa dad isku kalsoon, waxa ay rumeysan yihiin awooddooda, inkastoo ay mararka qaar ka baqaan guul-darro. Kalsoonidu ma aha kibir, balae waa aqoonsiga awoodahaaga iyo kartidaada.

Waxa ay si degdeg ah u qaataan go’aanno, balse ka fiirsasha leh. Waxa ay ogyihiin in go’aan la’aan ay ka khatar badan tahay go’aan khaldan.

7️⃣ Anshax Shaqo Iyo Mas’uuliyad

Anshaxa shaqada waa tiir ka mid ah guusha. Dadka guulaysta waa kuwo leh Masuuliyad, waqtigooda ilaaliya, ballan-qaadkoodana oofiya.

Waxa ay ku sifoobaan:

• Daacadnimo
• Shaqo wanaag
• Ixtiraamka dadka kale

Bulshadeena dhexdeeda qofka leh akhlaaq wanaagsan iyo anshax shaqo waxaa si fudud loogu aaminaa xilal iyo fursado.

Hadii aad halkam nala soo gaartay aan kuugu daro caado sideedaad

8️⃣ Dadka Guusha Gaara Waxa Ay Ka Adkaadaan Caajiska Iyo Dib U Dhigashada

Caajiska waa cadawga ugu weyn ee guusha. Dadka guusha gaaro ma sugaan in ay helaan dhiirigelin, balse waxa ay shaqeeyaan xitaa marka ay daallan yihiin. Waxa ay bartaan sida loo jabiya dib u dhigashada (procrastination) iyagoo howsha ukalaa jajabiya qeybo yaryar.

Waxa ay fahamsan yihiin in ficil yar oo joogta ah uu ka wanaagsan yahay qorshe weyn oo aan la fulin.

Gababadii

Guushu ma aha wax qarsoon. Balse waa natiijo caadooyin sax ah oo si joogta ah loo sameeyo. 7-da caado ee aan kor ku xusnay waa kuwo uu qof walba ku dhaqmi karo, haddii uu qaato go’aan adag.

Haddii aad rabto guul dhab ah maanta bilow isbaddel yar, sababtoo ah isbeddelada yaryar ayaa keena guul weyn.

FAQ – Su’aalaha Inta Badan La Is Weybdiiyo

1. Ma qofwalba ayaa baran kara caadooyinka guusha?

Haa cidkasta ayaa baran karta kuna dabaqi karta noloshiisa laakiin waa haddii la helo rabitaan dhab ah iyo ka go’naasho sugan.

• Intee ayay qaadataa in caado cusub la dhisto?

Badanaa waxay qaadataa 21 ilaa 60 maalmood si caado cusub u nooqoto mid joogta ah. 90 maaalmood ayaa ah aida ay ku noqon karta caado rasmi ah.

• Maxaa ugu muhiimsan 7-da caado?

Dhammantood waa muhiin. Balse maareynta wakhtiga iyo guuleyda ama yool cad ayaa ah saldhigga ugu weyn uguna muhiimsan.

Waad ku mahadsan tahay akhrintaada maqaalkan fadlan hadiii aad waxuun ka faaiiday la wadaag asxaabtaada si iyagana uga faaiidaan Mahadsanid.