Sida loo dejiyo hadafyo cad oo la gaari karo

Hordhac

Qof kasta wuxuu leeyahay riyooyin, himilooyin, iyo yoolal uu jecel yahay in uu gaaro. Laakiin riyo kasta ma noqota mid rumowda, sababtoo ah dad badan kuma saleeyaan riyooyinkooda hadaf cad oo leh qorshe la fulin karo. Hadaf dejinta waa tiirka ugu muhiimsan ee guusha. Maqaalkan wuxuu si qoto dheer kuu bari doonaa sida loo dejiyo hadafyo cad oo la gaari karo, talaabooyin fudud tusaalooyin iyo khaladaad ay tahay in laga fogaado.

Waa Maxay Hadaf?

Hadaf waa yool ama natiijo aad rabto in aad gaarto mustaqbalka, taasoo aad u hureyso waqti iyo dadaal. Hadafku wuu ka duwan yahay rabitaan, rabitaanku waa fikir, balse hadafku waa go’aan leh talaabooyin iyo qorshe cad.

Tusaale:

• Rabitaan: waxaan rabaa in aan guuleysto.
• Hadaf: waxaan rabaa in aan barto xirfad online ah 6 bil gudohood.

Waa Maxay Hadaf Cad

Hadaf cad waa ujeedo si qeexan loo tilmaamay oo leh:

1. Waxa aad rabto.
2. Waqtiga aad ku gaari karto.
3. Sida aad u gaari karto.

Hadafka cad wuxuu kaa caawinayaa in aad diirada saarto waxyaabaha muhiimka ah kana fogaato jahawareer.

Faa’iidooyinka Ay Leedahay In La Dejiyo Hadafyo cad

In la dejiyo hadafyo cad waxa ay leedahay faa’iidooyin badan, kuwaas oo ay ka mid yihiin:

1. Waxa ay kuu iftiimisaa jihada aad u socoto.
2. Waxa ay kordhisaa dhiirigelinta iyo kalsoonida nafta.
3. Waxa ay kaa caawisaa maaraynta waqtiga.
4. Waxa ay yaraysaa caajiska iyo wareerka.
5. Waxa ay kuu fududaysaa cabbirka hormarkaaga.

Qofka hadafkiisu cad yahay waxa uu ogyahay waxa uu qabanayo maalin kasta, halka qofka aan lahayn hadaf cad uu la mid yahay markab aan lahayn jiho.

Sababaha Ay Dad Badani Ugu Guul-dareystaan Hadaf Dejinta

Ka hor inta aynaan baran sida saxda ah ee hadaf loo dejiyo, waa muhiin in aan fahamno sababaha fashilka keena. Waa kuwan qaar ka mid ah sababaha fashilka:

• Hadaf aad u ballaaran ama aan caddayn.
• Qorshe la’aan.
• Degdeg iyo samir la’aan.
• Cabsi iyo is-hoosaysiin.
• Hadafyo laga soo guuri Dad kale.

Habka SMART: Tallaabooyin Lagu Dejiyo Hadafyo La Gaari Karo

Mid ka mid ah hababka ugu waxtarka badan ee hadaf loo dejiyo waa SMART. Eraygan wuxuu u taagan yahay shan qodob kuwaas oo kala ah:

1️⃣ S – Specific (Cad ama xadidan)

Hadafkaagu waa in uu noqdaa mid si cad u qeexan oo xadidan.

Tusaale:

Hadaf aan caddayn: “waxaan rabaa in aan wax barto” ama “waxaan rabaa in aan miisaanka iska dhimo”

Hadafkaan ma cado waxa uu yahay markaa dhahdo waxaan raba in aan wax barto, waxbashada way badan tahay, maxaa rabtaa in aad baratid, dhanka kale miisaanka aad iska ridi rabtid waa intee isna ma cadda.

Hadaf cad: “waxaan rabaa in aan qur’aanka barto” ama “waxaan rabaa in aan 10 kiilo miisaan iska dhimo”

Kuwa kan wuu cad yahay hadafka wayna muuqataa waxa aad doonaysid.

2️⃣ M – Measurable (La cabbiri karo)

Hadafku waa in uu leeyahay qiyaas lagu ogaan karo guusha iyo hormarka laga sameeyay

Tusaale:

• 1 juz bishii
• 10 cashar asbuucii
• 3 kiila miisan ridid bishii

Tani waxay kuu sahlaysaa in aad ogaatid halka aad marayso, in aad hormar samaynayso iyo inkale.

sidoo akhri:

muhiimadda wakhtiga

7 caado oo ay leeyihiin dadka guusha gaara

sida ugu fudud ee xifdinta qur’aanka lagu gaaro

Salaada maxaa jabiya?

3️⃣ A – Achievable (La gaari karo)

Hadafkaagu waa in uu la jaanqaadaa awooddaada, waqtigaaga iyo xaaladahaada.

Hadaf aan la gaari karin: adigoo mashquul badan haddii aad dhahdid waxaan rabaa 5 juz in aan xifdiyo bishii, ama waxaan rabaa in aan 10 kiilo miisaan iska rido hal bil gudaheed, ma ahan arinkaas mid la gaari karo

Hadaf la gaari karo: waxaan raba in aan 1 juz xifdiyo bishii, 3 kiilo miisan iska dhimo bishii, haa waa macquul.

4️⃣ R – Relevant (Muhiim ah)

Relevant waa qodob muhiim ah wuxuuna ka jawaaba su’aasha ah: “Hadafkan ma iga caawinayaa waxa noloshayda ii muhiimka ah?”

Hadaf kastaa ma aha mid kuu wanaagsan, xitaa haddii uu cad yahay lana gaari karo. Relevant wuxuu hubiyaa in hadafka u qalmo waqtigaaga, dadaalkaaga iyo tamartaada.

Maxay tahay relevan dhab ahaan?

Relevant micnaheedu waa in hadafku:

• La jaanqaadayo ujeedadaada guud (vision)
• Kuu keeni doono faa’iido dhah ah
• Uusan ahayn wax aad dad kale uga dayatay

Is eydii:

1. Hadafkani ma ii faaiido baa?
2. Ma la jaanqaadayaa diinteyda, nolosheyda iyo mustaqbalkayga?

Hadaf aan qiimo kuu lahayn ma sii jiri doona.

5️⃣ T – Time-bound (Waqti xadidan)

Time-bound wuxuu ka jawaaba su’aasha ugu muhiimsan, taasoo ah: “Goorma ayaan rabaa in aan gaaro hadafkan?”

Hadaf aan waqti lahayn waa rabitaan iyo riyo oo kaliya, yoolkaagu yuusan noqan mid furan oo aan lahayn waqti xadidan.

Maxay tahay Time-bound dhab ahaan?

Time-bound micnaheedu waa:

• In hadafku leeyahay waqti bilow iyo dhamaad
• In la cayimo muddada ma 1 bil, 3 bil ama 6 bil.
• In uu jiro deadline kaa ilaalinaya dib u dhigis

Sida Hadaf Weyn Loogu Kala Jabiyo Qorshe Yar

Hadafka weyn wuxu keeni karaa in sidii loo baahnaa aan loo fulin , sababtoo ah maskaxdu waxay u aragtaa mid culus oo fog. Xalka ugu fiican waa in hadafka loo kala jabiyo qorshayaal yaryar oo la fulin karo, si tilaabba kasta oo aad qaadayso kuugu sahlanaato.

Ukala jabi waqtigo (sanad, bil, todobaad iyo maalin)

• Tusaale: hadafkaaga sanadka waa: “in aan xifdiyo qur’aanka kariimka”
• Hadafka bisha wuxu kuu noqon, in aan xifdido 2 juz iyo xizib
• Hadafka todobaadkii waa in aad xifdisid 5 maqro ama xisib iyo hal maqra
• Hadafkaaga maalinlaha waa in aan hal maqra xifdisid, marka laga reebo Khamiis iyo jumca oo kuu noqonaysa fasax.

Sidaas waa xalka aad u kala jabin kartid hadaf wayn, midka kan waa tusaale balse yool kasta oo aad leedahay sidaas ayaad ukala qeybin kartaa.

Sida Loo Ilaaliyo Ku Dhaggenaanta Hadafka

Si aad hadafkaaga ugu dhaggenaatid raac tilmaamahan:

• Dib u akhri hadafkaaga maalin kasta
• Is xisaabi todobaad kasta
• Naftaada abaal mari marka aad talaabo gaarto
• La soco dadka kugu dhiirigalinaayo

Doorka Qoraalka Iyo Dabagalka Hadafka

Cilmi baarisyo badan ayaa muujiyay in dadka qorta hadafyadooda ay ka guul badan yihiin kuwa maskaxda kaliya ku haya.

Si aad yoolkaaga u qorto una dabagasho isticmaal:

• Buug yar (notebook)
• Jadwal maalinle ah
• Ku qoro apps-ka mobile-ka sida Google keep notes

Hadaf Dejinta iyo Diinta Islaamka

Islaamku wuxuu dhiirigeliyaa qorsheynta iyo hadaf dejinta. Hadiiska rasuulka waxuu ahaa: “Ruuxa caqliga leh waa kan maftiisa xisaabiya una shaqeysta waxa ka danbeeya dhimashada”

Hadafka ugu sarreeya  muslimka waa:

• Raalli-gelinta Alle
• Barashada cilmiga diinta
• Camal suuban

Gunaanad

Hadaf dejintu ma aha wax adag, balse waxay u baahan tahay caddeyn, qorshe, iyo adkaysi. Marka aad barato sida loo dejiyo hadafyo cad oo la gaari karo, noloshaada waxa ay yeelan doontaa jiha saxda ah. Maanta bilow oo ha sugin barri.